Чăваш халăхне çутта кăлараканĕ, аслă вĕрентекенĕмĕр И.Я.Яковлев çуралнăранпа кăçал 170 сул çитрĕ. Чăваш халăхĕн Патриархĕн пархатарлă ĕçĕсене чăвашлăха хисеплекен пĕр çын та манас çук. Çавăнпах ĕнтĕ Чăваш Республикин Пуçлăхĕ кăларнă хушу тăрăх пирĕн республикăра 2018 çула  И.Я.Яковлев çулĕ тесе палăртнă. Çулталăк тăршшĕпех республикăра та, ун тулашĕнче те тĕрлĕ ĕç туса ирттерчĕç.
Раштав уйăхĕн 6-мĕшĕнче Чăваш патшалăх оперăпа балет театрĕнче И.Я.Яковлев çулталăкĕнче тунă ĕçсене пĕтĕмлетрĕç, хастар хутшăннисене тав хучĕсем тата грамотăсем парса чысларĕç. Уява Чăваш Республикин культура, наци тата архив ĕçĕсен министрĕ Константин Яковлев уçрĕ. Пухăннисем умĕнче çавăн пекех культура ĕçченĕсем, паллă çыравçăсем тухса калаçрĕç, И.Я.Яковлев ĕçĕсен вилĕмсĕрлĕхне палăртрĕç. Культура министерствин Тав çырǎвĕсене культура тата вĕренÿ учрежденийĕсем, музейсем, наука ĕçченĕсем, шкул вĕрентекенĕсемпе ача сачĕн воспитателĕсем, студентсем тивĕçрĕç. Çак хисепе эпĕ те тивĕçлĕ пултǎм.
И.Я.Яковлев çулталăкĕ вĕçленчĕ, анчах Чăваш халăхĕн аслă Улăпĕн ячĕ пирĕн асăмран иихçан та тухмĕ. Эпир ун умĕнче çĕре çити пуç таятпǎр.