И.Я.Яковлев çуралнăранпа 170 çул çитнине  халалласа Шуршăлти вăтам шкулта тĕрлĕ ĕç-пуç пулса иртрĕ. Вĕсенчен пĕри – «Алăпа тунă чи лайăх япала» конкурс  -  «Ман  халăх – ман Тăван çĕр-шыв» ятпа пулчĕ. Ача-пăча пултарулăхĕн ăмăртăвне  5-11 класра вĕренекен 12 ача хутшăннă. 5-6 классем хушшинче 1-мĕш вырăна Михайлова Карина (5 кл.), 2-мĕш вырăна Волкова Татьяна (5 кл.), 3-мĕш вырăна Журавлёва Виктория (5 кл.),  çĕнсе илчĕç; 7-8-мĕш классем хушшинче 1-мĕш вырăнта – Петрова Кристина (8 кл.), 2-мĕш вырăнта – Герасимова Ксения (7 кл.), Никифорова Дарья (7 кл.) 3-мĕш вырăнта – Михайлов Павел (8 кл.), Валерианов Константин (8 кл.); 9-11-мĕш классем хушшинче Чумбакова Виктория (10 кл.) тата  Кириллова Галина (9 кл.)1-мĕшпе 2-мĕш вырăнсене пайларĕç.
«Ялан янра, чăваш сăмахĕ» ятпа иртнĕ сăвă конкурсĕнче 5-11 класра вĕренекен 21 ача вăй виçрĕ. 8-мĕш класра вĕренекен Петрова Екатеринăна çитекен ача пулмарĕ тесе каласан та йăнăш пулмасть. Вăл тивĕçлипех 1-мĕш вырăн йышăнчĕ. 2-мĕш вырăнта  - çак класрах вĕренекен Крызова Анна, 3-мĕш вырăнта вара – Волкова Татьяна (5 кл.) пулчĕç.
5-7-мĕш классенче вĕренекенсем « И.Я.Яковлев калавĕсем тăрăх тунă ÿкерчĕксем» конкурса та хастар хутшăнчĕç. Малти вырăна 7-мĕш класра вĕренекен Герасимова Ксения тухрĕ, 2-мĕш вырăнта – Ксенофонтов Валерий (6 кл.), 3-мĕш вырăнта – Семёнов Николай (6 кл.).